Sumqayıt Tibb Mərkəzinin nəzdindəki 1 nömrəli Şəhər Xəstəxanasında elektrik enerjisinin verilməsində yaranmış fasilə xəstəxanadaxili səbəblərlə deyil, ərazinin elektrik xətlərində baş vermiş nasazlıqla əlaqədardır.
Sumqayit24.az-a bu barədə TƏBİB-dən məlumat verilib.
Qeyd olunub ki, elektrik enerjisinin kəsilməsi nəticəsində elektron sistemin fəaliyyətində müvəqqəti ləngimələr yaranıb:
"Tibbi xidmətlərin davamlılığının təmin edilməsi məqsədilə generatorlardan istifadə olunur.
Məsələ ilə bağlı aidiyyəti quruma məlumat verilib. Elektrik enerjisinin verilişi qısa müddətdə bərpa olunacaq".
Xatırladaq ki, redaksiyamız bu gün yəni 18 avqust tarixində sözügedən xəstəxanada işıq sönməsi ilə bağlı xəbər paylaşıb.
***
Sumqayıtın 1 nömrəli Şəhər Xəstəxanasında elektrik enerjisinin kəsildiyi bildirilir.
Bu barədə Sumqayit24.az-a sakinlər məlumat veriblər.
Pasiyentlərin sözlərinə görə, elektrik enerjisinin kəsilməsi səbəbindən sistem işləmir və bu, müəyyən problemlərə səbəb olub.
Məsələ ilə bağlı aidiyyəti quruma sorğu ünvanlanıb.
