Sumqayıtda yolun bir hissəsində çökmə qeydə alınıb.
Sumqayit24.az-a bu barədə şəhər sakinləri məlumat veriblər.
Vətəndaşların sözlərinə görə, 9-cu mikrorayon, Heydər parkının yaxınlığında yerləşən yolda kanalizasiya lükünün yanında çökmə baş verib.
Bildirilib ki, bu vəziyyət nəqliyyat vasitələrinin hərəkəti üçün təhlükə yaratmaqla yanaşı, ərazidə qəza riskini də artırır.
Sakinlər aidiyyəti qurumlardan əraziyə baxış keçirilməsini və mövcud problemin aradan qaldırılmasını tələb edirlər.
