Sumqayıt sakinləri, 20 Yanvar hüzn günü münasibətilə Şəhidlər xiyabanına axışıb. Bu haqda bu gün, 20 yanvar tarixində Sumqayıt24-ün müxbiri xəbər verib.
Yağışlı hava şəraitinə baxmayaraq, yüzlərlə sumqayıtlı, xiyabanda dəfn olunan qohumlarının, yaxınlarının və digər şəhidlərimizin məzarları önünə qərənfillər düzürlər. "Qanlı yanvar" hadisələri zamanı, həmçinin hər iki Qarabağ müharibəsində şəhidlik zirvəsinə ucalmış qəhrəmənlarımızın ruhuna dualar oxunur. Həmçinin, “Qalib əsgər” heykəlinin önündə, qərənfillər vasitəsilə simvolik rəqəmlər yazılıb.
Qeyd edək ki, saat 12:00-da şəhidlərimizin əziz xatirəsi 1 dəqiqəlik sükutla yad edilib. [modula id="8306"]
