Bu gün Sumqayıtda ali təhsil müəssisələrinə qəbul imtahanı keçirilir. Bu haqda 20 may tarixində Sumqayıt24 Dövlət İmtahan Mərkəzinə (DİM) istinadən xəbər verir.
DİM tərəfindən aparılan qəbul imtahanı 3-cü ixtisas qrupu üzrə keçirilir. İmtahan saat 11:00-da başlanır. İmtahanın başlanmasına 15 dəqiqə qalmış – saat 10:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.
Abituriyentlər imtahana aşağıdakı sənədləri gətirməlidirlər:
- İmtahana buraxılış vərəqəsi;
- Şəxsiyyəti təsdiq edən sənədin əsli:
- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).
Ümumilikdə respublika üzrə imtahanda 22.146 abituriyentin iştirakı nəzərdə tutulur.
