Sumqayıtda qadın itkin düşüb.
Sumqayit24.az-a daxil olan məlumata görə, 35 yaşlı Aytən Simka Nəsif qızı 2 gündür ki, 9-cu mikrorayon ərazisindən itkin düşüb. Son olaraq 9-cu mikroyanda, Heydər parkında görüldüyü qeyd olunub.
İtkin düşən şəxs təxminən 1,65 sm boylarında, əynində bej rəngində olan qolsuz gödəkçə, şalvarı isə tünd kök rəngindədir.
Bundan əlavə, itkin düşən şəxsin psixoloji və yaddaş problemləri olduğu bildirilib.
DİN-in Mətbut Xidmətinin əməkdaşı polis leytenantı Elbrus İbrahimov Sumqayit24.az- a bildirib ki, şəxs axtarışa elan olunub.
Polis əməkdaşları tərəfindən itkin düşmə kimi axtarışa elan edilmiş şəxsin yerinin müəyyən olunaraq ailəsinə təhvil verilməsi istiqamətində tədbirlər görülür.
Şəkildəki şəxsi görənlərdən və barəsində məlumatı olanlardan +994 70 909 14 04 mobil nömrəsinə zəng edərək məlumat vermələri xahiş olunur.
