"Sumqayıt Toxucu-Tikiş" Məhdud Məsuliyyətli Cəmiyyət (MMC) cərimə olunub.
Məlumata görə, şirkət tərəfindən 180 min ABŞ dollar məbləğində vəsaiti bank vasitəsilə 2024-cü il tarixdə avans olaraq ölkə xaricinə köçürülüb.
Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları"nın 4.3.1.3-cü yarımbəndinin tələblərinə baxmayaraq, ödənişin aparıldığı gündən 2 il müddətində 180390 dollar məbləğində vəsait hesabına alınan mallar ölkəyə idxal edilməyib və ya həmin məbləğdə valyuta vəsaiti geri qaytarılmayıb.
MMC barəsində İnzibati Xətalar Məcəlləsinin 430.4-cü maddəsi ilə protokol tərtib edilib və iş baxılması üçün Sabunçu Rayon Məhkəməsinə göndərilib.
Məhkəmənin qərarı ilə "Sumqayıt Toxucu-Tikiş" barəsində inzibati xətanın bilavasitə obyekti olmuş məbləğin 20 faizi miqdarında, yəni 36 min dollar (61 min manat) cərimə olunub.
Qeyd edək ki, hazırda "Sumqayıt Toxucu-Tikiş" MMC-nin 1,5 milyon manat vergi borcu yığılıb və 1 ildən çoxdur ki ödənmir.
2020-ci ildən fəaliyyət göstərən şirkətin nizamnamə kapitalı cəmi 10 manatdır, direktoru Aydın İsgəndərovdur.
Mənbə: Yurdmedia.az
