Yenilənib saat: 10:38
Naməlum şəxs tərəfindən bıçaqlanan kişinin vəziyyəti məlum olub.
Tibbi Ərazi Bölmələrini İdarəetmə Birliyindən (TƏBİB) Sumqayit24.az-ın sorğusuna cavab olaraq bildirilib ki, 27.10.2024-cü il tarixində saat 21:20- də 1971-ci il təvəllüdlü şəxs (kişi cinsli) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub:
“Ona döş qəfəsinin açıq yarası diaqnozu təyin edilib. Cərrahi əməliyyata məruz qalan şəxs tibb müəssisəsinin Cərrahiyyə şöbəsinə yerləşdirilib və hazırda vəziyyəti orta ağır qiymətləndirilir”.
Nəzrin Vahid
***
Saat 10:01
Sumqayıtda bıçaqlanma hadisəsi baş verib.
APA-nın məlumatına görə, hadisə oktyabrın 27-də axşam saatlarında şəhərin 34-cü məhəlləsində qeydə alınıb. 53 yaşlı Yaşar Manafov naməlum şəxs tərəfindən bıçaqlanıb. Yaralı dərhal xəstəxanaya çatdırılıb.
Daxili İşlər Nazirliyinin Mətbuat Xidmətinin əməkdaşı İbrahim Əmiraslanlı Sumqayit24.az-a bildirib ki, hadisə ilə bağlı araşdırma aparılır.
“Polis əməkdaşları tərəfindən əməli törətməkdə şübhəli bilinən şəxsin və ya şəxslərin saxlanılması istiqamətində tədbirlər görülür”.
