Sumqayıt şəhərində avtobus sürücüsü velosipedçiyə təhlükəli vəziyyət yaradıb.
Bu barədə görüntülər sosial şəbəkədə paylaşılıb.
Videodan məlum olur ki, avtobus yolun sağı ilə hərəkətdə olan velospedçinin yanından sürətlə və təhlükəli şəkildə keçir.
Nəticədə velosipedçi xəsarət alıb, sürücü isə hadisə yerindən uzaqlaşıb.
DİN-in Mətbuat Xidmətindən Sumqayit24.az-a bildirilib ki, sosial şəbəkələrdə Sumqayıt şəhəri ərazisində sərnişin avtobusunun velosiped idarə edən şəxsə təhlükəli vəziyyət yaratmasını əks etdirən görüntülər polis əməkdaşları tərəfindən araşdırılıb:
"Keçirilən tədbirlərlə avtobusu idarə edən sürücü, 34 yaşlı E.Əliyev müəyyən olunaraq izahatının alınması üçün ərazi polis orqanına dəvət edilib. Nəqliyyat vasitəsi mühafizə olunan müvəqqəti duracağa yerləşdirilib.Faktla bağlı təhqiqat araşdırmaları davam etdirilir".
