Sumqayıt şəhərinin Sahil küçəsində yanğın qeydə alınıb.
Report.az-ın məlumatına görə, 1990-cı il təvəllüdlü Muxtarov İftixar İxtiyar oğlunun idarə etdiyi "BMW" markalı avtomobil naməlum səbəbdən alışıb.
Hadisə yerinə dərhal Fövqəladə Hallar Nazirliyinin (FHN) Dövlət Yanğından Mühafizə Xidmətinin əməkdaşları cəlb olunublar.
Yanğın qısa müddətdə söndürülərək ətrafdakı nəqliyyat vasitələrinə və əraziyə yayılmasının qarşısı alınıb.
Hadisənin başvermə səbəbləri araşdırılır.
