Sumqayıt şəhərinin 10-cu mikrorayonunda qəzalı ağaclar var. Sumqayıt24 bu haqda 20 dekabr tarixində xəbər verir.
13 nömrəli binanın qarşısında və arxasında olan ağaclar əyilib. Güclü külək əsdikcə onlar daha da pis vəziyyətə düşür. İnsanlar oradan keçə, avtomobillərini park edə bilmirlər. Şikayətçilərin sözlərinə görə, külək bir neçə gün öncə irigövdəli ağacı bağlara aşırıb:
“Vaxtında xahiş etdik ki, kəssinlər, kəsmədilər. O yoldan Polad Həşimov adına 28 saylı məktəbin şagirdləri, valideynlər keçirlər. Ümid edirik ki, heç nə baş verməmiş problem çözülər”.
