Sumqayıt şəhəri, 13-cü mikrorayonda yerləşən istifadəyə yararsız hala gələn zibil konteyneri ciddi problemlər yaradır.
Sumqayit24.az-a müraciət edən sakin bildirib ki, konteynerin bir tərəfi yarılıb, zibil ətrafa səpələnib və ətrafda xoşagəlməz qoxu yaranıb.
Problemin daha narahatedici tərəfi odur ki, konteyner 34 və 33 nömrəli məktəb və uşaq bağçasının yanında yerləşir, bu isə uşaqların sağlamlığı üçün risk yaradır.
Şəhər sakinləri məsələni həll etmək üçün aidiyyəti qurumların müdaxiləsini gözləyirlər.
