Sumqayıtda yerləşən təhsil olacaqları 9-cu sinif şagirdlərinin buraxılış imtahanında ingilis dili fənni üzrə yüksək nəticə göstərən məktəblər sırasındadır.
Bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı "Abituriyent" jurnalının 12-ci nömrəsində məlumat verilib.
Orta bal göstəricisinə əsasən, Sumqayıt şəhəri Təbiət elmləri təmayüllü gimnaziyası ikinci yerdə qərarlaşıb. Gimnaziyada 100 şagirdin orta balı 94,25 faiz təşkil edib.
Bundan əlavə, Sumqayıt şəhəri "Dünya" məktəbində 11 şagirdin orta balı 88,34 faiz, Sumqayıt şəhəri Texniki və təbiət elmləri liseyində 108 şagirdin orta bal göstəricisi 87,75 faiz, Sumqayıt şəhəri "İstedad" liseyində isə 64 şagirdin orta balı 84,61 faiz təşkil edib.
Qeyd edək ki, orta bal göstəricisinə əsasən, ilk yeri BDU-nun nəzdində Bakı Türk liseyi tutub. Təhsil müəssisəsində imtahanda iştirak edən 210 şagirdin orta bal göstəricisi 94,30 faiz olub.
Mənbə: Azedu.az
