Sumqayıtda işlərdən sonra bərpa olunmayan yol sürücülər üçün problemə çevrilib.
Sumqayit24.az-a müraciət edən oxucunun sözlərinə görə, Heydər Əliyev prospektində, "Dejurnıy" kimi tanınan ərazidə aparılan qazıntı işlərindən sonra yolun örtüyü təxminən iki aya yaxındır ki, əvvəlki vəziyyətinə qaytarılmır.
Bildirilib ki, xüsusilə gecə saatlarında küçə işıqları söndürüldükdə sürücülər yolun bu hissəsini vaxtında görə bilmir və yüksək sürətlə çuxurlu ərazidən keçərək avtomobillərinə ziyan vururlar.
Sakinlərin sözlərinə görə, ərazidə sürücüləri əvvəlcədən xəbərdar edən hər hansı yol nişanı və ya təhlükəsizlik maneəsi də quraşdırılmayıb.
Vətəndaşlar aidiyyəti qurumlardan yolun qısa zamanda bərpa olunmasını və ərazidə müvafiq xəbərdarlıq nişanlarının yerləşdirilməsini xahiş edirlər.
