Sumqayıt şəhəri, Çerkassı küçəsinin 12-ci mikrorayondan keçən hissəsində yol uzun müddətdir istifadəyə bağlı qalıb.
Sumqayit24.az-a müraciət edən sakinlərin sözlərinə görə, yol qazıntı işlərindən sonra bərpa edilmədiyi üçün nəqliyyatın hərəkəti dayandırılıb.
Bildirilib ki, bunun nəticəsində sürücülər alternativ marşrutlardan istifadə etməyə məcbur qalırlar. Avtomobillər mikrorayonun dar və yaşayış binalarının arasından keçən küçələri ilə hərəkət edir və bu da öz növbəsində həm tıxac yaradır, həm də piyadalar üçün təhlükə yaradır.
Vətəndaş aidiyyəti qurumlardan yolun qısa zamanda bərpa olunmasını və nəqliyyatın hərəkətinin yenidən təmin edilməsini istəyirlər.
