Sumqayıt Peşə Təhsil Mərkəzində və 24 nömrəli tam orta məktəbdə maarifləndirici görüşlər keçirilib. Bu haqda Sumqayıt Olimpiya İdman Kompleksi məlumat yayıb.
“Gəncləri Dini radikalizm-ekstremizm və narkomaniyanın zərərli təsirlərindən qoruyaq“ adlı tədbiri keçirməkdə məqsəd yeniyetmə və gəncləri sağlam həyat tərzinə təşviq etmək, onları narkomaniya, tütün, alkoqol və digər psixotrop maddələrin mənfi təsiri ilə bağlı məlumatlandırmaqdır.
Tədbirdə narkotik vasitələr, psixotrop maddələrin qanunsuz dövriyyəsi və narkomanlığın yayılmasına qarşı mübarizə müzakirə edilib. Qonaqlar, həmin zərərli vasitələrin yeniyetmə və gənclərin sağlamlığının inkişafına mənfi təsirindən danışıb. Həmçinin, gənclər dini radikalizm və ektremizmin qarşısının alınması haqda məlumatlandırılıb.
Sonda iştirakçıları maraqlandıran suallar cavablandırılıb, mövzuya uyğun videoçarxlar nümayiş olunub.
