Sumqayıt Dövlət Rəsm Qalereyasında "Uşaqlar bizim bu günümüz və gələcəyimizdir" adlı sərgi keçirilb. Bu barədə 13 iyun tarixində Sumqayıt Regional Mədəniyyət İdarəsinə istinadən xəbər verir.
Rəsm Qalereyası və “Matris” Tədris Mərkəzinin təşkil etdiyi tədbir 15 İyun - Milli Qurtuluş Gününə həsr olunub. Burada Azərbaycan Rəssamlar İttifaqının üzvü, heykəltaraş-rəssam Nuranə Ələkbərova və onun gənc rəssamlarının 90-a yaxın əsəri sərgilənib.
Qalereyanın direktoru Ellada Həsənovanın təşəbbüsü ilə gənc rəssamlar tərəfindən kətan üzərində çəkilən “Göyərçin” abidəsi kompozisiya formasında löhvədə quraşdırılıb və maraqla qarşılanıb.
Sonda gənc rəssamlar naşir Bəhram Bağırzadənin kitab hədiyyələri və diplomlarla mükafatlandırılıblar. Digər istedadlı gənclər isə musiqi nömrələri ilə çıxış ediblər.
