Sumqayıtda “Açıq səma, savaşsız həyat” adlı rəsm sərgisi keçirilib. Bu barədə 2 sentyabr tarixində Mədəniyyət Xəbərlərinə istinadən xəbər veririk.
“Sülh aylığı” çərçivəsində Nəriman Nərimanov adına Mədəniyyət Mərkəzində fəaliyyət göstərən rəsm kursu üzvlərinin sərgisi keçirilib. Mədəniyyət Mərkəzinin işçiləri və valideynlər “Dünya sülh istəyir”, Sülhün rəmzi”, “Azad dünya”, “Xoşbəxt gələcək”, “Sülh göyərçini” və digər adlarla çəkilən rəsmlərə baxış keçiriblər. Uşaqlar çəkdikləri rəsmlər haqqında qonaqlara məlumat veriblər.
