Xəbər verdiyimiz kimi, Sumqayıtda 21 yaşlı gənc idman zalında dünyasını dəyişib.
Belə ki, 2004-cü il təvəllüdlü Adil Emin oğlu Eyvazov 6-cı mikrorayon ərazisində yerləşən idman zalında məşq edərkən qəfil halı pisləşib.
Hadisə yerinə çağırılan təcili tibbi yardım briqadası gəncin həyatını xilas edə bilməyib.
Mərhumun taekvondo idman növü ilə məşğul olduğu bildirilir.
Qeyd edək ki, Adil Eyvazov yaxın zamanda keçiriləcək taekvondo üzrə dünya çempionatında iştirak etməli idi və buna xüsusi hazırlaşırdı.
Faktla bağlı araşdırma aparılır.
