Sumqayıtda elektrik enerjisinin verilişində yaranan problemlərlə bağlı şikayətlər davam edir.
Sumqayit24.az-a daxil olan məlumata görə, Novxanı bağları, Səməd Vurğun küçəsində elektrik enerjisinin verilişində tez-tez fasilələr və gərginlik dəyişmələri müşahidə olunur.
Redaksiyamıza təqdim olunan videoda elektrik gərginliyinin qeyri-sabit olduğu aydın görünür. Kadrlarda işığın közərərək sönməsi və yenidən yanması əks olunub.
Sakinlərin sözlərinə görə, belə vəziyyət məişət texnikalarının sıradan çıxması riskini artırır. Onlar aidiyyəti qurumdan məsələyə operativ müdaxilə edilməsini xahiş edirlər.
Məsələ ilə bağlı aidiyyəti quruma sorğu ünvanlanıb.
Qeyd edək ki, sözügedən problem barədə 18 iyul tarixində Kimyaçılar qəsəbəsinin Cənub küçəsinin sakinləri də şikayət etmişdilər. Həmin ünvanda da elektrik enerjisinin tez-tez kəsilməsi ilə bağlı vətəndaşların müraciətini Sumqayit24.az işıqlandırmışdı.
