Sumqayıt şəhəri, 6-cı mikrorayonda zibil qablarının boşaldılması zamanı ətraf çirkləndirilir.
Sumqayit24.az-a müraciət edən akinin sözlərinə görə, tullantıların daşınması zamanı qutularda toplanan zibil suyu küçəyə axıdılır. Nəticədə asfaltın üzərində çirkli və yapışqan təbəqə yaranır, ərazidə isə kəskin üfunət qoxusu hiss olunur.
Şikayətçi bildirir ki, işlərdən sonra ətrafın təmizlənməsi əvəzinə, küçə daha da çirkli vəziyyətə düşür:
"Bu murdarlıqdır. Bir yeri təmizləyib bütün ətrafı pis günə qoyurlar. Buna görə xəstəlik yayıla bilər. Adam evdən çıxmaq istəmir".
Sakinlər bu cür halların qarşısının alınması, tullantıların daşınması zamanı küçələrə çirkab suların axıdılmaması və ərazinin sanitar vəziyyətinə nəzarətin gücləndirilməsini istəyirlər.
