Sumqayıt Dövlət Universitetində (SDU) “Singapore and Asian Schools Math Olympiad”ın (SASMO) mükafatlandırma mərasimi keçirilib.
Sumqayit24.az xəbər verir ki, Sosial məsələlər və ictimaiyyətlə əlaqələr üzrə prorektor dos. Elmar Xəlilov olimpiadanın şagirdlərin riyaziyyat sahəsindəki bilik və bacarıqlarının artırılmasındakı rolundan danışıb.
O, həmçinin SASMO-nun 2006-cı ildən etibarən Sinqapurun SIMCC şirkəti tərəfindən təşkil olunduğunu, bu olimpiadanın Asiyanın ən böyük riyaziyyat müsabiqələrindən biri kimi tanındığını qeyd edib.
Mərasimdə SASMO Azərbaycan şirkətinin icraçı direktoru Nurlan Hacıyev, məktəb direktorları, müəllimlər, valideynlər və məktəblilər də iştirak ediblər. Yer tutan şagirdlər medal və sertifikatlarla təltif olunublar.
Tədbirin sonunda iştirakçılar üçün xatirə şəkilləri çəkilib və SASMO ilə gələcək əməkdaşlıq imkanları müzakirə olunub.
