Bu gün Azərbaycanda Bilik Günü qeyd olunur və 124 min uşaq üçün ilk zəng çalınır.
Birinci sinfə qədəm qoyan şagirdlər arasında şəhid jurnalist Sirac Abışovun oğlu Özgür də var.
Özgür ilk dərs günü ilə bağlı hisslərini Sumqayit24.az-a bölüşüb. O, məktəbə getdiyi üçün çox sevindiyini bildirib.
Qeyd edək ki, şəhid jurnalist Sirac Abışov 29 avqust 1989-cu ildə Qubadlı şəhərində anadan olub. Birinci Qarabağ müharibəsi zamanı ailəsi ilə birlikdə doğma evindən didərgin düşən Sirac Abışov sonradan Sumqayıt şəhərində yaşamağa başlayıb.
O, 4 iyun 2021-ci ildə Kəlbəcər rayonunun Susuzluq kəndinə gedən yolda minaya düşərək şəhid olub. Sirac Abışov iyunun 5-də Sumqayıt şəhər Şəhidlər xiyabanında dəfn edilib.
