Bu gün Vətən müharibəsi şəhidi Nicat Qorxmaz oğlu Əlizadənin doğum günüdür.
Nicat Əlizadə 15 sentyabr 2001-ci ildə Sumqayıt şəhərində anadan olub. Əslən Cəbrayıl rayonunun Tinli kəndindən olan şəhidimiz təhsilini Sumqayıt və Biləsuvar rayonlarında davam etdirib.
2019-cu il oktyabrın 2-də həqiqi hərbi xidmətə çağırılan Nicat Əlizadə Tərtər rayonunda atıcı, sanitar təlimatçı kimi xidmət edib. O, 7 oktyabr 2020-ci ildə Suqovuşan istiqamətində gedən döyüşlərdə şəhid olub.
Nicat Əlizadə ölümündən sonra "Vətən uğrunda", "Suqovuşanın azad olunmasına görə" və "İgidliyə görə" medalları, həmçinin 3-cü dərəcəli "Vətənə xidmətə görə" ordeni ilə təltif olunub.
