Sumqayıtda məlumatlandırıcı lövhə təhlükəli vəziyyət yaradıb.
Sumqayit24.az-a daxil olan görüntülərə görə, Azərbaycan prospektində, 18-ci məhəllədən əsas yola çıxan hissədə "4 saylı Regional Ekologiya və Təbii Sərvətlər İdarəsi"nin yerini göstərən lövhə səkinin üzərində quraşdırılıb.
Məhəllədən əsas yola çıxan sürücülər ilk növbədə sola baxaraq yoldan avtomobilin gəlib-gəlmədiyini yoxlamalıdır. Lakin lövhə həmin istiqamətdə görünüşü məhdudlaşdırdığı üçün sürücülər yolu tam görə bilmirlər.
Bu vəziyyət xüsusilə hərəkətin intensiv olduğu saatlarda qəza riskini artırır. Sakinlər lövhənin sürücülərin görmə imkanını məhdudlaşdırmayan daha uyğun yerə köçürülməsini və ya şəffaf olmasını istəyirlər.
