Nazirlər Kabineti “Nəqliyyat vasitələrinin parklanmasına görə ödənişin məbləği”ni təsdiq edib. Bu haqda 26 iyun tarixində Sumqayıt24 Nazirlər Kabinetinə istinadən məlumat verir.
Baş nazir Əli Əsədov bununla bağlı qərar imzalayıb. Qərara əsasən, Sumqayıt şəhəri üzrə parklanma məbləğı aşağıdakılardır:
Mərkəz zonası:
Bu zona Səməd Vurğun küçəsindən Heydər Əliyev prospekti, qərb-şərq istiqamətində Ağa Quliyev küçəsinədək, Səməd Vurğun küçəsinin Pərviz Hüseynov küçəsi ilə kəsişməsindən şimal-şərq istiqamətində Heydər Əliyev prospektinədək, Zülfü Hacıyev küçəsi ilə Cəlil Məmmədquluzadə küçəsindən cənub-şərq istiqamətində Hacı Baba Salayev küçəsinədək, Polad Həşimov küçəsinin kəsişməsindən Nəriman Nərimanov küçəsi üzrə cənub-şərq istiqamətindən Sülh küçəsinədək, Səməd Vurğun küçəsinin 20 Yanvar küçəsi ilə kəsişməsindən qərb istiqamətində Bakı küçəsinədək olan ərazini əhatə edir.
I zona:
Bu zona Cəlil Məmmədquluzadə küçəsi ilə Səməd Vurğun küçəsinin kəsişməsindən qərb istiqamətində Nəriman Nərimanov küçəsinədək, Nəriman Nərimanov küçəsindən şimal istiqamətində Cəfər Cabbarlı küçəsinədək, “Yeni Bulvar” yeni yol sahəsinin cənub-şərq istiqamətindən Cəlil Məmmədquluzadə küçəsinədək, Çerkassı küçəsi ilə Sülh küçəsinin kəsişməsindən cənub istiqamətində Üzeyir Hacıbəyli küçəsinədək, Zülfü Hacıyev küçəsinin Üzeyir Hacıbəyli küçəsi ilə kəsişməsindən qərb istiqamətində (Dəmiryol Vağzalınadək), Bakı küçəsinin 20 Yanvar küçəsi ilə kəsişməsindən cənub-şərq istiqamətində Sülh küçəsinədək, Zəminə Həsənova küçəsi ilə Heydər Əliyev prospektindən cənub-qərb istiqamətində Bakı küçəsinədək, Koroğlu küçəsi ilə Zəminə Həsənova küçəsindən cənub-şərq istiqamətində Mirzə Ələkbər Sabir küçəsinədək, Şəmsi Bədəlbəyli küçəsi ilə Zülfü Hacıyev küçəsindən hər iki tərəfdə cənub-qərb istiqamətində Bakı küçəsinədək, Üzeyir Hacıbəyli küçəsinin Niyazi küçəsi ilə kəsişməsindən cənub istiqamətində Babək küçəsinədək, Babək küçəsinin Üzeyir Hacıbəyli küçəsindən şərq istiqamətində İsmət Qayıbov küçəsi də daxil olmaqla Kamal Axundov küçəsinin kəsişməsinədək, Niyazi küçəsi ilə İsmət Qayıbov küçəsindən cənub istiqamətində Koroğlu küçəsinədək, Koroğlu küçəsindən şərq istiqamətində General Məhəmməd Əsədov küçəsi daxil olmaqla hər iki tərəfində Kamal Axundov küçəsinədək olan əraziləri əhatə edir.
II zona:
Bu zona digər zonaların sərhədləri ilə əhatə olunmayan əraziləri əhatə edir.
Qeyd edək ki, qərar dövlət avtomobil yollarında təşkil edilmiş parklanma yerlərinə şamil edilir və 30 gün sonra qüvvəyə minir.
Foto Nazirlər Kabineti
