Sumqayıt Dövlət Universitetində (SDU) 9-11-ci sinif şagirdləri arasında kimya və biologiya üzrə fənn olimpiadası keçirilib. Sumqayıt24 bu haqda 16 may tarixində xəbər verir.
Birincilik Kimya və biologiya fakültəsi tərəfindən təşkil olunub. Burada Sumqayıt şəhəri üzrə 34 məktəbin 198 şagirdi iştirak edib. 100 nəfər kimya, 98 nəfər isə biologiya fənni üzrə biliklərini sınayıb.
Qeyd edək ki, olimpiadanın sualları universitetin alimləri tərəfindən hazırlanıb. Nəticələr açıqlanandan sonra qaliblərə diplom və mükafatlar veriləcək.
