Sumqayıtın qəsəbələrindən birində qaz təzyiqinin aşağı olması ilə bağlı şikayət var.
Sumqayit24.az-a bu barədə şəhər sakinləri məlumat veriblər.
Vətəndaşların sözlərinə görə, İnşaatçılar qəsəbəsinin "Betonzavod" yaşayış massivində və Fərman Cəfərov küçəsində təxminən bir həftədir qaz təzyiqi xeyli aşağıdır. Bildirilib ki, bu gün vəziyyət daha da pis olub.
"Qazın təzyiqi o qədər zəifdir ki, su qızmır və yemək bişirmək çətin olur. Yalnız gecə saatlarında və səhər saat 5-6 radələrində qazın təzyiqi normal olur. Qaynar xəttə zəng etməyə çalışırıq, lakin zənglərimizə cavab verilmir. Bu vəziyyət bizim gündəlik məişət işlərimizdə müxtəlif problemlər yaradır", – deyə sakinlər bildiriblər.
Məsələ ilə bağlı "Azəriqaz" İstehsalat Birliyinə sorğu ünvanlanıb.
