Sumqayıtda sərnişin avtobuslarından birinin yolda xarab olduğu bildirilir.
Sumqayit24.az-a bu barədə şəhər sakinləri məlumat veriblər.
Vətəndaşların iddiasına görə, 76-cı məhəllədə, Hafiz Baxış küçəsində hərəkət edən 33 nömrəli sərnişin avtobusunda nasazlıq yaranıb və avtobus yolda qalıb.
Sakinlər bildirirlər ki, sözügedən avtobusda tez-tez texniki nasazlıqlar yaranır və bu hal sərnişinlər üçün çətinliklərə səbəb olur.
Qeyd edək ki, redaksiyamız 33 nömrəli avtobusun tez-tez xarab olması ilə bağlı sakinlərin şikayətlərini dəfələrlə işıqlandırıb.
