Bakı-Quba magistralının Sumqayıt ərazisindən keçən hissəsində gecə saatlarında işıqlandırmanın olmaması sürücülər üçün təhlükə yaradır.
Sumqayit24.az-a müraciət edən vətəndaşın sözlərinə görə, Sumqayıt Texnologiyalar Parkının (STP) yaxınlığından keçən yolda işıqlandırma sistemi yoxdur. Bu səbəbdən axşam saatlarında hərəkət edən sürücülər digər avtomobilləri vaxtında görməkdə çətinlik çəkirlər.
Şikayətçi qeyd edir ki, ərazidə qaranlıq səbəbindən qəza riski artır, sürücülər isə yolda təhlükəsiz hərəkət etməkdə çətinlik çəkirlər.
Sakinlər magistralın həmin hissəsində işıqlandırmanın təmin olunmasını istəyirlər.
