Sumqayıt şəhər 1 saylı Vəkil Bürosunun vəkili vəfat edib. Sumqayıt24 bu barədə 19 sentyabr tarixində Qafqazinfo.az-a istinadən xəbər verir.
Hadisə Ədliyyə Nazirliyinin İcra və Probasiya İdarəsinin Sumqayıt şəhər şöbəsində baş verib. 64 yaşlı Valeriy Vəliyevin halı qəfil pisləşib. Yaxınlıqdakı şəxslər onun köməyinə yetsələr də, kişi vəfat edib.
Qeyd edək ki V. Vəliyev bir sıra siyasi məhkəmə işlərində iştirak edib. O, ləğv edilmiş Milli Təhlükəsizlik Nazirliyinin sabiq idarə rəisi, general-mayor Sübahir Qurbanovun da vəkili olub.
