Sumqayıtda qadın hündürlükdən yıxılıb.
Şəhər sakini, 57 yaşlı İlhamə Məmmədova yaşadığı binanın 3-cü mərtəbəsindən yıxılıb. Qadın ağır xəsarətlərlə xəstəxanaya yerləşdirilib.
Sumqayıt Tibb Mərkəzindən Sumqayit24.az-a verilən məlumata görə, 16.11.2026-cı il tarixində saat 19:20 radələrində 1969-cu il təvəllüdlü şəxs (qadın) hündürlükdən yıxılma səbəbilə Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub:
"Qapalı kəllə-beyin travması, hər iki bud sümüyünün sınığı diaqnozları təyin edilən şəxsin müalicəsi Reanimasiya şöbəsində davam etdirilir. Vəziyyəti ağır qiymətləndirilir".
Qeyd edək ki, İlhamə Məmmədova Azərbaycan Yazıçılar Birliyinin və Azərbaycan Jurnalistlər Birliyinin üzvüdür.