Sumqayıtda fəaliyyət göstərən avtobusun dayanacaqda saxlamaması ilə bağlı şikayət var.
Bu barədə Sumqayit24.az-a 9A nömrəli marşrut avtobusundan istifadə edən sərnişinlər məlumat veriblər.
Sakinlərin iddiasına görə, 9A nömrəli avtobuslardan biri 17-ci mikrorayon ərazisində yerləşən dayanacaqda saxlamır.
Sərnişinlər bildirirlər ki, sürücüyə iradlarını bildirdikdə, o, avtobus dayanacaq nişanının əhəmiyyətsiz olduğunu deyərək burada nəqliyyat vasitəsini saxlamaqdan imtina edir.
"Deyirik ki, niyə saxlamırsınız? Cavab verir ki, nişan boşuna qoyulub, biz burada saxlamırıq. Get, hara istəyirsən, şikayət elə. Əgər burada dayanacaq nişanı qoyulubsa, sürücülər niyə avtobusu saxlamırlar?", - deyə sərnişinlər narazılıqlarını ifadə ediblər.
Vətəndaşlar problemin araşdırılmasını və müvafiq tədbirlərin görülməsini tələb edirlər.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanlanıb.