Əməkdar məşqçilərin yubileyləri qeyd olunub. Bu haqda 1 oktyabr tarixində Sumqayıt24 xəbər verir.
Sumqayıt şəhər Gənclər və İdman Baş İdarəsində sərbəst güləş üzrə Əməkdar məşqçi Rövşən Süleymanov və futbol üzrə eyni ada layiq görülmüş Ağamusa Bağırovun 65 illik yubileyləri münasibətilə görüş keçirilib.
İdarə rəisi Elgün Hümbətov onları təbrik edib, həyat yollarından, idman növlərinin təbliği və inkişafındakı uğurlarından, yetirmələrinin dünyamiqyaslı yarışlarda əldə etdiyi nəticələrdən danışıb.
Veteran idmançılar çıxışlarında Bağırov və Süleymanova yeni uğurlar, nailiyyətlər arzulayıblar.
Sonda yubilyarlara icra başçısı Zakir Fərəcov və Gənclər və İdman Naziri Fərid Qayıbovun imzaladığı fəxri fərmanlar təqdim olunub.
