Sumqayıtda məişət tullantıları problemi sakinləri ciddi şəkildə narahat edir.
Sumqayit24.az-a daxil olan məlumata görə, şəhərin müxtəlif ərazilərində, xüsusilə 47-ci məhəllə, 9-cu və 10-cu mikrorayonlarda yaşayan sakinlər zibillərin vaxtında daşınmamasından şikayətlənirlər.
Sakinlərin sözlərinə görə, yığılıb qalan məişət tullantıları həm ətraf mühitin çirklənməsinə, həm də xoşagəlməz qoxunun yaranmasına səbəb olur. Xüsusilə yay mövsümündə və isti hava şəraitində problemin daha da kəskinləşdiyi qeyd edilir.
Vətəndaşlar məişət tullantılarının müntəzəm daşınmasını və problemin qısa müddətdə həll olunmasını xahiş edirlər.
