Sumqayıtda çalışan FHN-in əməkdaşları baş vermiş yanğın səbəbindən Şimal bölgəsinə cəlb olunublar. Sumqayıt24 bu barədə 16 avqust tarixində Apa.az-a istinadən xəbər verir.
Dünən günorta saatlarında Şimal bölgəsində və bir neçə ərazidə yanğınlar baş verib. Havanın isti və küləkli olması yanğınların genişlənərək digər ərazilərə keçməsinə səbəb olub. Dövlət yanğından mühafizə xidmətinin rəisi Füzuli Əsədovun sözlərinə görə, bütün bunlar nəzərə alınaraq hadisə yerinə Sumqayıt və Bakıdan canlı qüvvə və texnika ilə yanaşı bir helikopter cəlb edilib: “Görülmüş operativ tədbirlər nəticəsində Siyəzən, Quba, Qusar rayonlarında baş verən yanğınlar qısa müddətdə söndürülüb”.
Əlavə olunub ki, gecə saatlarında Xaçmazın dörd kəndini və Şabranda geniş ərazini əhatə edən yanğın tam söndürülüb. Hadisə nəticəsində Xaçmazda 40, Şabranda idə 500 hektara yaxın ərazi yanıb.
