Sumqayıtlı müəllim Çinarə Allahverdiyeva bu il keçirilən Müəllimlərin İşə Qəbulu (MİQ) müsabiqəsində yüksək nəticə göstərib.
Bu barədə Sumqayit24.az-a coğrafiya müəllimi Çinarə Allahverdiyevanın özü məlumat verib.
O bildirib ki, imtahanda 94,05 bal toplayaraq Sumqayıt şəhərində öz ixtisası üzrə birinci olub.
Yüksək nəticə göstərən müəllim fəaliyyətini Sumqayıt şəhərindəki 13 nömrəli tam orta məktəbdə davam etdirəcək.
Peşəsinə xüsusi dəyər verən Çinarə Allahverdiyeva 2019-cu ildən Xaçmaz şəhərində coğrafiya müəllimi kimi fəaliyyət göstərib. O, həmin illər ərzində həftənin müəyyən günlərində yaşadığı Sumqayıt şəhərindən Xaçmaza gedərək şagirdlərinə dərs deyib.
Qeyd edək ki, müəllimin 3 övladı var.
