Son 10 ildə Sumqayıtın əhalisi 28,4 faiz, yəni təxminən 95 min nəfər artıb. Bununla da şəhər əhali artımının yüksək olduğu yaşayış məntəqələrindən birinə çevrilib.
Deputat Mehriban Vəliyevanın sözlərinə görə, bu artımın əsas səbəbləri Sumqayıtın Bakı ilə yaxınlığı, yeni yaşayış komplekslərinin tikilməsi və şəhərdə sənaye müəssisələrinin genişlənməsidir. Onun fikrincə, yeni iş yerlərinin yaradılması və mənzil imkanlarının artması insanların Sumqayıta köçməsinə təsir göstərir.
Millət vəkili hesab edir ki, Sumqayıt artıq yalnız Bakı ətrafında yerləşən şəhər deyil, öz iqtisadi və sənaye bazası ilə müstəqil inkişaf mərkəzinə çevrilir. Şəhərdə sosial və infrastruktur imkanlarının genişlənməsi də əhalinin burada məskunlaşmasını stimullaşdıran amillərdəndir.
Mənbə: Modern.аz
