Sumqayıt Avtovağzalı ərazisində yerləşən avtobus dayanacağının vəziyyəti ilə bağlı şikayət var.
Sumqayit24.az-a müraciət edən vətəndaşların sözlərinə görə, sözügedən avtobus dayanacağı baxımsız vəziyyətdədir.
Görüntülərdən də məlum olur ki, konstruksiyanın bəzi hissələri dağılıb və dayanacaq istifadəyə yararsız vəziyyətə düşüb.
Sakinləri narahat edən əsas məqam isə şəhərin ən intensiv istifadə olunan ərazilərindən birində belə baxımsız dayanacağın olmasıdır.
Vətəndaşlar aidiyyəti qurumlardan mövcud problemin həll edilməsini tələb edirlər.
