Azərbaycanda ictimai nəqliyyatda ödəniş sistemi bütün şəhərlər üzrə "Bakıkart"la aparılır. Lakin ölkənin digər böyük şəhərlərinin öz ictimai nəqliyyat sistemi, tarifləri və sərnişin xüsusiyyətləri var. Başqa sözlə, şəhərlərin öz nəqliyyat kimliyinin formalaşdırılması mümkündür.
Bəs ödəniş kartları şəhərlər üzrə fərqlənə, adları dəyişə bilərmi? Məsələn, Bakıda "BakıKart" olduğu kimi, Naxçıvanda "NaxçıvanKart", Sumqayıtda "SumqayıtKart" və s. Regional nəqliyyat kartlarının yaradılması nə dərəcədə mümkündür?
Azərbaycan Yerüstü Nəqliyyat Agentliyindən (AYNA) bildirilib ki, texniki imkanlar nəzərə alınmaqla tədricən bu istiqamətdə tədbirlər görülür:
"Ölkənin bütün ərazilərində mobilliyin təmin olunması və multimodal daşımalarda vahid kartdan istifadənin mümkünlüyü əsas məqsədlərdən biridir. Ölkənin nəqliyyat sistemində nağdsız ödəniş alətlərinin məhdudiyyətsiz tətbiqi, bir-birində keçərli olması qarşıya qoyulan əsas hədəflərdən biridir".
Mənbə: Bizim.Media
