Sumqayıtlı Əməkdar artist Coşqun Rəhimovun dünyaca məşhur aktyor Rouen Atkinsonla bağlı fikirləri tənqid olunub.
Aktyor Türkay Cəfərli sosial media hesabında bununla bağlı tənqidedici paylaşım edib. "
Axmaq vəziyyət qurşaqdan aşağı "ayə-vayə" ilə hırıldatmaqdır. Axmaq olmayan vəziyyət isə situasiyaya uyğun verilən reaksiyadır. Vəziyyət komediyası... Rouen Atkinson, sən aktyor deyilsənmiş, bəsitimişsən", - deyə Türkay Cəfərli qeyd edib.
Qeyd edək ki, Coşqun Rəhimov "Efirdən kənar" verilişində bildirib ki, Atkinson axmaq bir vəziyyətdə tamaşaçını güldürən aktyordur:
"Əgər ona aktyor demək olarsa. Ancaq Mister Bindir. Bunu onun canından çıxartmaq olmur. Yəni beləsinə aktyor demirlər. Mister Bin tapılmış bir formanı ömür boyu eyni qəlibdə tamaşaçıya nümayiş etdirib".
