Sumqayıtlı gənc Səid Hüseynzadə yeni tamaşa hazırlayıb.
Sumqayit24.az xəbər verir ki, Azərbaycan Dövlət Mədəniyyət və İncəsənət Universitetində təhsil alan S.Hüseynzadə "Davam edir 37..." adlı tamaşaya quruluş verib.
Nizami Muradoğlunun "Zülmətdə Nur" pyesinin motivləri əsasında hazırlanan səhnə əsərinin premyerası iyunun 11-də saat 15:00-da H. Abbasov adına Mədəniyyət Mərkəzində nümayiş olunacaq. Giriş sərbəstdir.
Tamaşada İsmayıl İmanverdiyev, Əfqan Sultanov, Gülnaz Hacıyeva, Murad Hacızadə, Fidan Usubova, Mircəfər Zəkizadə, Sonel Səfərova, Fəqan Əliyev və Sahib Əhmədov rol alıblar.
