Bakı-Sumqayıt yolunda sürücünün xəsarət alması ilə nəticələnən avtoqəza baş verib. Bu haqda 2 avqust tarixində Sumqayıt24 Apa.az-a istinadən məlumat verir.
Qəza gecə saatlarında qeydə alınıb. Yüksək sürətlə “Lexus” markalı avtomobili idarə edən xanım sürücü sükana nəzarəti itirərək eyni istiqamətdə hərəkətdə olan “QAZ-53” markalı yük avtomobilinə çarpılıb. Zərbənin gücündən minik maşını deformasiyaya uğrayıb. Avtomobilin sürücüsü xəstəxanaya yerləşdirilib.
Faktla bağlı araşdırma aparılır.
