Sumqayıt-Bakı xətti üzrə sərnişin daşıyan avtobus sürücüsü həbs edilib. Sumqayıt24 bu haqda 29 iyul tarixində Qafqazinfo.az-a istinadən xəbər verir.
Belə ki, “Ford Transit” markalı avtobusun sürücüsü, 29 yaşlı Orxan Rüstəmli (şərti) metronun “20 Yanvar” stansiyasının qarşısında yol hərəkəti qaydalarını pozub. Yol polisi əməkdaşları isə onu saxlayaraq sənədlərini tələb ediblər. Nəticədə məlum olub ki, Orxanın nə sürücülük vəsiqəsi, nə də ki etibarnaməsi var. Polisə müqavimət göstərməyə başlayan sürücünü 19-cu Polis Bölməsinin əməkdaşları saxlayıblar. Onun barəsində İnzibati Xətalar Məcəlləsinin “Polisin qanuni tələbinə tabe olmama” maddəsi ilə protokol tərtib edilib.
Nəsimi Rayon Məhkəməsinin qərarı ilə Orxan Rüstəmliyə 10 sutka həbs cəzası verilib.
