Simulyasiya Təlim mərkəzində ilk tibbi yardım təlimləri baş tutub. Bu haqda 3 avqust tarixində Sumqayıt24 məlumat verir.
Seminarlar Tibbi Ərazi Bölmələrini İdarəetmə Birliyinin (TƏBİB) təşkilatçılığı və Ümumdünya Səhiyyə Təşkilatının (ÜST) dəstəyi ilə həyata keçirilib.
Təlimlər zamanı ÜST-nin təlimçiləri tərəfindən Bakı şəhərində çalışan təcili və təxirəsalınmaz tibbi yardım həkimlərə təcili və təxirəsalınmaz halların idarə edilməsinə aid nəzəri məlumatlar verilib. Bununla yanaşı müasir protokollar əsasında hazırlanmış testlər vasitəsilə iştirakçıların bilik və bacarıq səviyyələrinin dəyərləndirilməsi aparılıb.
