Sumqayıtda “Süd vəzi xərçəngi ilə mübarizə ayı” çərçivəsində elmi-praktik konfrans baş tutub. Bu haqda 1 noyabr tarixində Sumqayıt24 xəbər verir.
Tədbir Sumqayıt Tibb Mərkəzi (STM) və Sumqayıt Onkologiya Xəstəxanasının birgə təşkilatçılığı ilə keçirilib. STM-in direktor müavinləri İlkin Namazov, Arzu Bəndəliyeva və Onkologiya Xəstəxanasının baş həkimi Murad Məmmədovun qatıldığı konfranda tabeli müəssisələrdə çalışan terapevt, onkoloq, cərrah və ginekoloqlar iştirak ediblər.
Toplantıda ölkəmizdə onkoloji xəstəliklərlə mübarizə və bu mübarizədə aparılan maarifləndirmə tədbirlərinin əhəmiyyətindən danışılıb.
Sonda görüş iştirakçılarını maraqlandıran suallar cavablandırılıb.
