Sumqayıtda "Hipertenziya xəstəliyində ikili kombinasiya olunmuş preparatın təyinatı" mövzusunda maarifləndirici tədbir keçirilib. Bu haqda 18 may tarixində Sumqayıt24 xəbər verir.
Seminar Təcili Təxirəsalınmaz Tibbi Yardım Stansiyasında (TTTYS) təşkil olunub. TTTYS-nin müdiri Famil Qaflanov təqdimatla çıxış edib, hipertenziya xəstəliyi haqqında geniş məlumat verib. F. Qaflanov çıxışında xəstəliyin yaranma səbəbləri, gedişatı və dərman preparatlarının təsnifatını tədbir iştirakçılarının diqqətinə çatdırıb.
Qarşılıqlı fikir mübadiləsi şəraitində keçən maarifləndirici tədbirdə həkimləri maraqlandıran suallar cavablandırılıb.
