Sərvər Bəşirlinin köhnə avtomobilinin maketi hazırlanıb. Sumqayıt24 bu haqda 1 iyun tarixində “Haber Global”a istinadən xəbər verir.
Maketin müəllifi Türkiyənin Karabük vilayətində yaşayan Ferhat Karapınardır. Safranbolu Meşə İdarəsi Müdirliyində çalışan 42 yaşlı türkiyəli 5 il əvvəl diorama (üç ölçülü boyama, modelləşdirmə) texnikası ilə tullantı materiallarından istifadə edərək müxtəlif fiqurlar düzəltməyə başlayıb.
O, Kahramanmaraşdakı zəlzələlərdən sonra yardıma tələsən Sərvərin xeyirxah əməlini də əbədiləşdirmək qərarına gəlib. Karapınar bir həftəyə yaratdığı maketi müdirliyin iş otağında sərgiləyir. Gələcəkdə isə muzey qurmaq istəyir və burada “qırmızı avtomobil” daxil olmaqla, hazırladığı 50-yə yaxın əsərini təqdim etmək istəyir.
