Sumqayıt Tibb Mərkəzində “Əbədiyyət salnaməsi” adlı tədbir keçirilib. Bu haqda 12 dekabr tarixində Sumqayıt24 xəbər verir.
Ümummilli lider Heydər Əliyevin anım gününə həsr olunan toplantı Dövlət Himninin səslənməsi ilə başlayıb və şəhidlərimizin xatirələri bir dəqiqəlik sükutla yad edilib.
Sonra ulu öndər Heydər Əliyevin həyat və fəaliyyətindən bəhs edən videoçarx nümayiş olunub. Açılış nitqi ilə çıxış edən STM-in direktoru Səkinə Sadıxova Heydər Əliyevin ölkəyə rəhbərliyi dövründə aparılan uğurlu iqtisadi islahatlardan, Azərbaycanın dünyada söz sahibinə çevrilməsindən və dünya iqtisadiyyatında önəmli rolundan geniş söz açıb.
Tədbir digər çıxışlarla yekunlaşıb.
