Sumqayıtda Heydər Əliyevin 100 illik yubileyinə həsr olunmuş tədbir baş tutub. Bu haqda 20 dekabr tarixində Sumqayıt24 Azərtac-a istinadən məlumat verir.
İştirakçılar əvvəlcə ulu öndərin abidəsini ziyarət ediblər. Onlar abidənin önünə tər güllər düzərək xatirəsini ehtiramla yad ediblər.
Heydər Əliyev Mərkəzində keçirilən toplantı şəhidlərimizin xatirəsinin bir dəqiqəlik sükutla yad edilməsi ilə başlayıb. Sonra Azərbaycanın Dövlət Himni səsləndirilib, ulu öndərə həsr olunmuş film nümayiş etdirilib.
Tədbirdə çıxış edənlər çoxəsrlik tariximizin ən böyük nailiyyətlərinin Heydər Əliyevin adı ilə bağlı olduğunu vurğulayıblar. Bildirilib ki, ulu öndərin Azərbaycan xalqı və dövləti qarşısındakı əvəzedilməz xidmətləri onun fəaliyyətinin bütün mərhələlərini əhatə edib.
