Bülbül adına 2 nömrəli Uşaq İncəsənət Məktəbində hesabat konserti keçirilib. Sumqayıt24 bu haqda 9 iyun tarixində Sumqayıt Regional Mədəniyyət İdarəsinə istinadən xəbər verir.
Tədbirdə Mədəniyyət İdarəsinin rəisi Rəşad Əliyev və digər qonaqlar iştirak ediblər. İlk növbədə, rəssamlıq şöbəsinin şagirdlərinin əl işlərindən ibarət rəsm əsərləri sərgilənib. Dövlət Himnindən sonra məktəbin müəllimi İlham Həsənovun rəhbərliyi altında xalq çalğı alətləri şöbəsinin orkestri çıxış edib.
Ardınca xanəndə, vokal, kamança, tar, fleyta, muğam üçlüyü, skripka ansamblı, Asəf Amanovun rəhbərliyi altında “Ümid” rəqs kollektivi, Firəngiz Xəlilovanın rəhbərliyi altında “Şəfəq” uşaq xoru və məktəbin müəllimlərindən ibarət “Humay” xorunun çıxışları dinləyicilərə təqdim olunub.
